Uta-net

歌詞詳細

検索

メニューを開く

検索ワード

検索対象

  • アーティスト
  • 楽曲
  • 歌詞

検索条件

  • を含む
  • から始まる
  • と完全一致

CLOSE

我達が生まり島

我達が生まり島

  • 歌手:
    下地勇
  • 発売日:
    2005/10/26
このアーティストが好きなユーザー
この曲の表示回数 12,941
 
南(ぱい)からぬ風(かじ)ぬサヤサヤち涼(すだす)きなり
プーギスぬ葉(ぱー)ゆ撫(な)でぃ
お爺達(じいた)が馬車(ばしゃ)や毎日(まいにつ)すとぅむてぃ
東(あがず)ざぁ道小(んつがま)から畑(ぱり)んかい
お婆達(ばぁた)や茶(つぁ)ゆ沸(ふ)かし神(かん)かいすきぃ
「助(たす)き上手(どーず)ばしふぃーさまちタンディトートゥガナス」ちぃ
一番(いつばん)座(ざぁ)ぬ蚊帳(かや)ぬ中(なか)んな
童孫(わらびんまが)ぬきゃぬ寝(にぃ)ふぎゃずばしぃ
鼻(ぱな)ば吹きぃ寝(にぃ)っゔぃうー

東(あがん)にゃーぬ大祖父(うぷあーざ)や
戸口(やどぅふつ)ぬ横小(ゆかーらがま)ん座(びじ)ゅーてぃ
ツカニ綱(づな)ゆ縫(ぬ)いうらます゜
西(いす゜)にゃーぬ大祖母(うぷあーま)や
三番座小(さんばんざぁがま)ん座(びじ)ゅーてぃ
「一(ぴてぃ)つ二(ふた)つ」ちブーゆ紡(ん)みーうらます゜
前(まえ)ばらぬ猫小(まゆがま)や
しばらぬ犬小(いんがま)ん追(う)すかされー
綱引(つなび)きす四又(ゆまた)がみ逃(ぴん)ぎぃ回(まぁ)り
久(ふが)・松原(まつばら)ぬ区長(くちょう)や
公民館(こうみんかん)むスピーカーから
やぐいばし国民年金(こくみんねんきん)納(うさ)みふぃーる
ういがどう我達(ばんた)が生(ん)まり島(ずま)
愛(かな)す生(ん)まり島(ずま)野崎(ぬざき)ぬ風(かじ)や あ~あ
今(んなま)まい変(かぁ)わらだな涼(すだす)きなり吹(ふ)きうーなぁ
パナリ島(ずま)ぬ西(いす゜)んかいばし
また太陽(てぃだ)ぬ沈(すず)みぃぴす゜

野崎(ぬざき)ぬ狭道小(いばんつがま)ゆ
一人(たけふー)し歩(あす)きうーちか
お婆達(ばぁた)が庭中(みなか)んうがなーり座(びじ)うてぃ
歩(あす)きー来(き)す我(ば)ぬー見(み)ぃつきうーてぃ
かりゃー何処(んざ)ん家(やー)ぬ子(ふふぁ)が
誰(たー)がなす子(ふふぁ)が 長男(ちょうなん)なぁ次男(づなん)なぁち
仕事(すぐとぅ)まいしーだな回(まぁ)りうらでぃや
ちかがめ大事(だいず)なむぬ
職(しゅく)パギばしーどぅ回(まぁ)りーぅつぁアバイガアバイ
知(す)さーん振(ふす゜)ばし歩(あす)きうーすが
大概聞(たいがいきす)かれーどぅお婆達(ばぁた)
下(すた)んかいふつばし歩(あす)かだかならん
我達(ばんた)が野崎(ぬざき゜)ぬ狭道小(いばんつがま)

西(いす)にゃーぬお爺(じい)が弾(ぴす)きぃうたー
三味線(さんむしん)ぬ音小(にーがま)ぬ忘(ばっし)れぇん
我達(ばんた)がお爺(じい)がぴしゅうたー
ピーぬ臭(ふさ)さぬ忘(ばっし)れぇん
ピスダぬ御嶽(うたき)ぬ前(まい)んき飲(ぬ)んたー
甘(あず)ま玄米(んきす)ぬ味(あず)ぬ忘(ばっし)れぇん
我達(ばんた)がお婆(ばぁ)がうぬすく煮(にー)ふぃーたー
大根汁(うぷにずー)ぬ美味(んま)さぬ今(んなま)がみまい忘(ばっし)れぇん
ういがどぅ我達(ばんた)が生(ん)まり島(ずま)
愛(かな)す生(ん)まり島(ずま)綱引き(つなぴす)きす四又(ゆまた)ぬ
雀小(ましゃがま)ぬきゃや あ~あ
今日(きゅう)まい変(かぁ)らだな うまかま飛(とぅ)び回(まぁ)りぅーべやー
すとぅむてぃんな雀小(ましゃがま)ぬ鳴(な)きす声(くい)し
起(う)きみぃぶすむぬ

北(うぃ)ぬ畑(ぱり)ぬ東側(あがんなぎ)ぬ間小(ばしがま)
芋(んーむ)ゆかじぅーお婆達(ばぁた)がどぅ居(う)たぁ
クバ笠(がさ)ゆかっゔぃー 汗(あし)やタス゜ち掻(か)きー
馬(ぬーま)んかい鍬(すき)ゆ牽(ぴす)きしみす゜
お爺達(じいた)がどぅ居(う)たぁ
ズガキスぬ浜(ぱま)から小(いみ)サバニ小(がま)ん乗(ぬ)ぅりぃ
魚(いす)ゆ捕(とぅ)がち出(い)でぃーぴす゜
お父達(とうた)がどぅ居(う)たぁ
大(がば)しゃー盥(たらす゜)ゆ頭(かなます゜)ぬ上(わーび)ん乗(ぬ)ぅしぃ
平良(ひ゜さら)んきぃ魚(いす゜)ゆ売(う)がちぴす゜
母(かぁ)ちゃん達(た)がどぅ居(う)たぁ
働(ぱたら)き 働(ぱたら)き
休(ゆく)う暇(まどぅ)やーつ無(にゃ)ぁだなうぬすく働(ぱたら)き
子供達(ふふぁぬきゃ)ゆぷどぅわしみ
明日(あっつぁ)まいまた働(ぱたら)きがーち
一人(たふけー) また一人(たふけー)ちぃ
子供達(ふふぁぬきゃ)家(やー)ゆ出(ぱす゜)でぃぴりぃ
暗々(ふふぁーふふぁ)ぬ二番座小(にばんざぁがま)んな
淋(さび)すきなり夕飯(ゆーずふぁ)ゆ食いうー
父母(い゜ざんま)ぬどぅ居(う)ー
まーんちうぃどぅ我達(ばんた)が生(ん)まり島(ずま)
いつがみまい忘(ばっし)れぇん愛(かな)す宮古(みゃーく) あ~あ
老人若者(うぃぴとぅばかむぬ) 心(くくる)や一(ぴてぃ)つんなりうーてぃ
肝小(き゜むがま)ん染(す)みうかでぃ我達(ばんた)が生(ん)まり島(ずま)
いつがみまい忘(ばっし)だなうらでぃ 我達(ばんた)が生(ん)まり島(ずま)