大和ぬ風

下地勇

大和ぬ風

作詞:下地勇
作曲:下地勇
編曲:下地勇・徳嶺勝也
発売日:2005/07/21
この曲の表示回数:19,015回

大和ぬ風
“ハイ、タバコ吹きゃ!貴方(うう゜ぁ)タバコを吹かだか
まず んざぬが痛(や)んがぁ”
大和(やまとぅ)んきタバコを吹き゜習い
クキークキ島(すま)んかい戻(むどぅ)り来(き)たー我(ばん)かい
母ちゃんが どぅあーし゜ゅーたー事(くとぅ)
今(んなま)どぅーら 思(うむ)す゜出(でぃ)れー
“母ちゃん!我(ぱ)や大和(やまとぅ)んき さーち働(ぱたら)き
銭(じん)ぬ儲(もう)き来うじゃばやい”
大口(うぷふつ)ばたたき
旅(たびす)んかいてぃ出(ぱす゜)でぃぴす゜たーすがどぅ
んぞーさ銭(じん)なにゃーだな 明日(あつぁ)まい見いれん暮らすゆしゅーたー
何(のー)ぬ為(たみ)んが
我(ば)や島(すま)を出(ぱす゜)でぃ来(き゜)たーがーら
銭(じん)ぬにゃだか 心(ぎむ)ぬ底(すく)がみ 寒(び)しむぬ
我(ば)がどぅかんしうーてぃや 思(うむ)いまいみーんだら 母ちゃん
やぐみ子(ふふぉ)をどぅ産(な)しゅーき゜てぃ ぷじ笑(あま)いふぃーる
大和(やまとぅ)ぬ風(かじ)や寒(ぴ)しむぬどー
コートぬにゃーだか 死(す)なっでぃどぅうー

“ハイ 君(うう゜ぁ) まーんてぃや くまぬ家(やー)ぬ子(ふふぉ)あらんやば
ずー 我(ばん)とぅまーつき行かでぃ”
アラブぬ石油王がどぅ
寝(に)っう゛ゅう我(ば)が 枕(まっふぁ)ぬ横(ゆかー)らん来(き゜)すてぃ
プールつきぬ大邸宅(だいばんやー)んかい
さーりー行かれす゜夢(いみ)小(がま)を見いたー
“ぴるますむぬ
アラブ人(ぴとぅ)ぬどぅ宮古口(みゃーくふつ)うあーし゜ゅーてぃや
うりぇ のーてぃぬばーがーら”
かんし思(うむ)うた時(とうきゃ)んどぅ
ビシ゜ャッてぃ夢(いみ)から目覚(みす)り
“汝死(うう゜ぁす)んがみ働(ぱたら)かだなならんどー”
神(かん)ぬ声(くい)ぬ聞(き゜)かれーたー
アイロンぬ一(ぴてぃ)つやーつ かきつぁーまい知(す)さん
まかす゜道具(どうう゜)ぬ一(ぴてぃ)つ すずみれーん
すきゃーりアパートぬ部屋ん 一人(たけふー)座(び)し゜ぃ
自分(どぅー)が道(んつ)ゆ めーげー見い
ただういがまし 負きれーでぃが
貴方(うう゜ぁ)が子(ふふぁ)やむぬ我(ば)や 貴方(うう゜ぁ)が子(ふふぁ)

“ハイ 貴方(うう゜ぁ) 盆(すとぅ)月(がつ)んな
島(ずま)んかい口(ふつ)ばし
向(んか)いのーす゜ ゆしーるよー マイフカ”
銭(じん)まい線香(こう)まいにゃーん我(ばん)かい
電話ゆしーふぃーたー母ちゃん
アパートぬ階段うーてぃ 島(ずま)んかい口(ふつ)ばし 手(てぃー)ゆかみたー
立てぃ味噌(んす)がもうまい飲(ぬ)み
自分(どぅー)が島(ずま)ぬ事(くとぅ)うまい
ぴょうすんな思(うむ)す゜出しよー
自分(どぅー)し作(つふ)たー味噌(んす)ゆ
ならんてぃすすけー 送(うく)りふぃーたー母ちゃん
あすがどぅガス代 まい払いうらんやば ういが飲まれーでぃが
あんしゅーてぃまい あてぃやーすかいば
冷(ぴぐる)水んかい味噌(んす)う入し゜
ぐずぐずてぃ 飲(ぬ)みみーるばどぅ 涙(なだ)や出(い)でぃ
母ちゃん 冷(ぴぐる)立てぃ味噌(んす)やすが うわが香ざ しーどぅーど
すまんど まーんてぃ 味噌(んす)や水んな溶(とぅ)きん
貴方(うう゜ぁ)がめ まんてぃぬ プリムヌてぃ
んな一回 我(ば)ぬぅ いし゜ふぃーる

生(ん)まり島(ずま)ぬ海(いん)む 思(うむ)い出し
貴方(うう゜ぁ)が子(ふふぁ)やむぬ我(ば)や 貴方(うう゜ぁ)が子(ふふぁ)

コトバのキモチ 投稿フォーム

ココでは、アナタのお気に入りの歌詞のフレーズを募集しています。
下記の投稿フォームに必要事項を記入の上、アナタの「熱い想い」を添えてドシドシ送って下さい。

推薦者:お名前(ペンネーム可)必須
性別:
  任意
年齢:
 歳 任意
投稿フレーズ:必須
曲名:必須
歌手名:必須
コメント:必須
歌ネットに一言あれば:任意

※歌詞間違いのご指摘、歌ネットへのご要望、
その他返信希望のお問い合わせなどは
コチラからどうぞ。→ 問い合わせフォーム

リアルタイムランキング更新:14:30

  1. Bling-Bang-Bang-Born
  2. 二度寝
  3. Click
  4. ビビデバ
  5. 流浪歌

歌ネットのアクセス数を元に作成
サムネイルはAmazonのデータを参照

×